|
يهِ سالهَ حاتم رَتهَ / چوُل هوُنموُنمِ
|
داغِ اوُ ريشهَ زِيهَ / وِ بَنِ جوُنمِ
|
|
يهِ سالهَ وا رَتنِ / شوُ نكنمِ خوُو
|
خاطراتِت مَن وِ جا/ سيت مِي زنمِ بِووُ
|
|
خي دِ چَش سيت بَوارمِ/ تا رهَ بِيرهَ
|
تا دلِ غَمِ دِ بارمِ / آروُمِ بِيرهَ
|
|
هوُنموُنمِ بَعد خوُت / چي يَخِ سَردهَ
|
لوُ وِ لوُ پَردهَ دلمِ /كُل آهَ وُ دَردهَ
|
|
دُختروُنِت سي دِ وَر/ ماتَمِ دِ بارَن
|
داغِ توُ وِ كوُل كَشَن/سيت بي قرارَن
|
|
داريوُشِت دَس وِ سينهَ / وِ سَرِ خاكِت
|
نالهَ فَردين سوُختمهَ / هِي ها وِ يادِت
|
|
تاجِ گُل وِ دَس حسين/ سالگرد بوُوهَ
|
اَسرِياش جاري بينهَ / دلِش ك ِوُوهَ
|
|
توُ كهِ ناري دالكهِ / سيت بَگريوهُ
|
گيسياشهَ سيت بوُوِرهَ / عزات بِيرهَ
|
|
كارِ دُنيا مُردنهَ / رَسمِش چنينهَ
|
مَنزلِ شيروُنِ نَر / زيرِ زمينهَ
|
|
رَتنِت مين دلمِ سوُخت/تا پُشتِ سينهَ
|
تا اَبد چَش وِ رَتهَ / توُنهَ بِينهَ
|
|
داغْ حاتم زخم پَلنَگ/ها مِي زنَه سوُز
|
مَنِمَهَ تَك وُ َنيا/ بي كَسْ وُ دلسوُز
|
|
حناسهَ سَرد مِي كَشمِ/ حاتم بِرارمِ
|
بوُغز گريتمهَ نِميلهَ / دَنگيِ وِرارمِ
|
|
دَنگ وِرارمِ بَنالمِ / سي روُزگارمِ
|
كُجا رَت گرمِي دَس / حاتم بِرارمِ
|
|
يَك وِ يَك هَمهَ رَتنِ/ شيروُنِ زَردمِ
|
مَنِمهَ دِ داغشوُ / وا بارِ دَردمِ
|
|
آخمِ سي نظر علي / تَنيا سوُارمِ
|
نَمنَهَ پيا چي خوُش/ دِ مين ديارمِ
|
|
عزيزي علي جوُو / سيش بَگريومِ
|
دِ كُجان ايي روُزگار / مهِ دَس بِيرمِ
|
|
بَنالمِ سي مُظفَر / قصهَ شيرينمِ
|
تا اَبد داغِش مَنهَ / وِ مين درينمِ
|
|
بي توُ سَختهَ زنيي / آزُردهَ حالمِ
|
چي شاهين مينِ كَمرَ / اِشكسهَ بالمِ
|
|
بَكَشمِ جوُرِ فَلك / دِ ايي زموُنهَ
|
روُزگار بي اَرزشهَ / وا كَسْ نموُنهَ
|
|
نَمَنهَ جوُ دِ دلمِ / آز ني دِ پايامِ
|
كوُر بيمهَ دِ داغِ توُ/آخ هَردوُ چَشيامِ
|
